Бардык жаңылыктар

Ирак беш айдан кийин премьер-министрлүү болду

Ирактын Улуттук чалгын кызматынын мурдагы башчысы Мустафа аль-Кадими 7-майда премьер-министр катары парламентте ант берди. Мунайдын арзандашы менен коронавируска байланыштуу оор абалга кептелген бул өлкөгө беш айдан бери премьер-министр шайлана албай турган.

Кызматка киришип жатып аль-Кадими анын командасы «чечимдердин өкмөтү» болорун, карапайым элдин пикирин такай угарын билдирди.

«Өкмөт ой-пикир айтуу эркиндигин, тынч демонстранттарды коргоону камсыз кылат. Нааразылык акциясына чыккандарды кодулагандарды табыш үчүн демонстранттар менен кызматташат. Ирактыктардын канына колу булгангандарды жазалайт деп убада берет», - деди аль-Кадими.

Өткөн жылдын соңунда Иракта жумуш орундарын түзүүнү, реформа жасоону, башкаруучу элитаны алмаштырууну, Иран менен АКШнын таасирин азайтууну талап кылып түмөндөгөн эл үч ай бою нааразылык акцияларын өткөрдү. Кагылышуу учурунда жүздөгөн адам өлүп, 25 миңдей адам жаракат алган. Ошондон соң декабрда премьер-министр Адель Абдул Махди кызматтан кетүүгө аргасыз болгон.

Андан бери жаңы өкмөт түзүү аракеттеринен майнап чыккан эмес.

Мустафа аль-Кадими бир нече жыл АКШда, Британияда жашап, журналистиканы аркалаган. 2016-жылы Улуттук чалгын кызматынын башчылыгына дайындалган.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2021    »
ПнВтСрЧтПтСбВс
1234567
891011121314
15161718192021
22232425262728



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады