Кыргызстандын Саламаттык сактоо министрлиги кечээ, 8-майда кыргыз-тажик чек арасындагы окуяда жаракат алган чек ара кызматкерлери жана бир тургундун абалы тууралуу маалымат берди.
Министрликтен белгилешкендей, 8-май күнү Баткен облустук бириктирилген ооруканага жаракат алган 4 адам алынып келген (3 аскер кызматкери жана 1 жаран). Алардын ичинен үчөө ооруканага жаткырылган. Жаракат алгандардын бири медициналык жардам көрсөтүлгөндөн кийин канааттандырарлык абалда амбулатордук дарыланууга жөнөтүлгөн.
Ооруканада жаткандар – 1. М.С. уулу, 26 жашта: кыр арка сөөгүнүн көкүрөк тушуна ок тийген. Ичине, жамбаш сөөк бөлүгүнө ок тийген. Ага операция жасалып, анын абалы өтө оор деп бааланууда; 2. М.А. уулу, 25 жашта: көкүрөк тушуна ок тийген. Операция жасалып, абалы орточо оор, туруктуу. 3. Ч.Т. уулу, 24 жашта: ок көкүрөк тушуна тийип, чыгып кеткен. Жараны хирургиялык тазалоо жасалган. Анын абалы орточо оор, туруктуу.
"Бардык жаракат алгандар медициналык көзөмөлдө болууда. Дары-дармектер, медициналык буюм-каражаттар, кандын компоненттери жетиштүү. Ош облустар аралык бириктирилген ооруканасынан Баткен облустук бириктирилген ооруканасына нейрохирург, торакалдык хирург жана реаниматологдон турган дарыгерлер тобу келди", - деп айтылат маалыматта.
Тектеш кабарлар
Коомдук комиссия Курсан Асановдун Кой-Таш окуясындагы ролун калыс баалады... Саясат // 27-02-2020, 13:54 |
Сенсация: Коомдук комиссия Кой-Таш окуясынын ачуу-чындыгын жарыялады... Саясат // 20-02-2020, 17:37 |
Коопсуздук кеңешинин 2020-жылдын 24-январындагы жыйынынын жыйынтыгы боюнча чечимге Президент Сооронбай Жээнбеков кол койду Куш кабар // 28-01-2020, 12:51 |
Дүйнөнү дүңгүрөткөн Чыңгыз хан кыргыз болгон Коом // 12-10-2019, 14:54 |
Президент Сооронбай Жээнбеков: Санариптештирүү менин президенттик ишимдин артыкчылыктуу багыты болгон жана болуп кала берет Куш кабар // 22-04-2019, 16:58 |
