Бардык жаңылыктар

Бул кечиримсиз кадам! Депутат Икрамов өкмөт башчы Абылгазиевге Кайрылуу жолдоду

Жогорку Кеңештин депутаты Тазабек Икрамов өкмөттүн чабалдыгын сынга алып, премьер-министрге кайрылуу жолдоду.

Урматтуу Мухаммедкалый Дүйшекеевич!

Сизди Жогорку Кеңеш айрым сындарды эске албаганда колдоп келген. Тилекке каршы, депутаттардын колдоосун сиз дайымкы боло жүргөндөй кабыл алууңуз жеке менин тынчсыздануумду жаратат. Мен бир гана акыркы окуялар боюнча пикиримди айтайын. Өткөн жумада эле борбордон алыс, чек аралык кооптуу аймакта жайгашкан Баткен облусунда биз күтпөгөн бир нече жагымсыз окуя болду. Лейлек районунда табигый кырсыктар орун алып, үйлөрдү, мал-жандыктарды сел алды. Маселени Баткен облусуна барып чечүүнүн ордуна телефондон маалымат алып гана тим болдуңуз. Бул кечиримсиз кадам. Ал эми жума аягында бейкапар күн кечирип жаткан элибизге Тажик жарандары тарабынан чагымчыл аракеттер жасалып, ок атышуу болду. Биздин үч жаран жаракат алып, алардын бири катуу абалда ооруканада жатат. Сиз өкмөт башчы катары дагы эле позицияңызды билдире элексиз. Баткен облусундагы өкмөттүн мурдагы өкүлү, азыр өкмөттүн чек ара боюнча вице-премьер-министри Акрам Мадумаров да ал окуя болгон жерге кечигип барды. Орун басарыңыз «буга чейин чечпеген маселени эми чечеби?» деген коомчулукта сын пикир арбын. Кыргызстандын Тажикстандагы элчисинен дайын жок. Биз Жогорку Кеңештин депутаттары, анын ичинен жеке мен бир канча жолу коңшу Тажикстанга кетип жаткан аткезчилик товарларды тыюу боюнча маселе көтөргөм. Бул боюнча бир да кадам жасабадыңыз. Биздин мамлекеттин Тажикстан менен экономикалык алакасы салыштырмалуу анчалык мааниге ээ эмес. Тескерисинче Тажикстан көп маселе боюнча бизге көз каранды. Эмне үчүн ушул убакытка чейин мыйзамсыз иштеп келген экономикалык коридорлорду жаап койгонго мүмкүнчүлүгүңүз жетпей жатат? Же сөзсүз түрдө эки мамлекеттин жарандары колуна курал кармап көчөгө чыгышы керекпи? Качан бир батыл чечимдерди кабыл аласыз? Качанкыга чейин биздин жарандар чек ара жанында коркуп жашайт? - деп айтылат кайрылууда.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Октябрь 2020    »
ПнВтСрЧтПтСбВс
 1234
567891011
12131415161718
19202122232425
262728293031 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады