Бардык жаңылыктар

Жогорку Кеӊештин атайын убактылуу комиссиясынын кезектеги жыйында экс-президент Алмазбек Атамбаевдин дарегине бир топ олуттуу айыптоолор айтылды

Мыйзам талаптарына ылайык, Кыргыз Республикасынын экс-президенти статусунан ажыратылгандан кийин гана жазык жоопкерчилигине тартылышы мүмкүн. Ошондуктан, адегенде мына ушул маселенин башын ачып алуу зарыл. Бул тууралуу депутат Каныбек Иманалиев Жогорку Кеӊеште Кыргыз Республикасынын экс-президенти статусунан ажыратуу үчүн экс-президент Алмазбек Атамбаевге каршы күнөө коюу маселеси боюнча корутунду бере турган атайын убактылуу комиссиянын кезектеги жыйыны өтүп жатканда билдирди.

Ал эми депутат Талант Мамытов демилгечилер тобунун Жогорку Кеӊештин Төрагасына жазган кайрылуусу менен тааныштырып, экс-президент Алмазбек Атамбаевдин президенттик ыйгарым укуктарын аткарып аткан учурда көптөгөн мыйзам бузууларга жол бергенин белгиледи. «Алмазбек Атамбаев премьер-министр болуп турганда, 123 чет өлкөлүк адамга, анын ичинде уюшкан кылмыштуу топтордун өкүлдөрүнө ок атуучу куралдарды тартуулаган. Мындай жосундар улуттук мыйзамдардын жоболоруна кайчы келет», - деди ал.

Ошондой эле, депутаттык топтун кайрылуусунда Алмазбек Атамбаев мамлекет башчысы болуп турган учурда анын катышуусу менен кылмыш жазасын өтөп жаткан «мыйзамдагы ууру» Азиз Батукаевди түрмөдөн мыйзамсыз бошотулганы, анын кирешелери менен чыгашалары жөнүндөгү декарациясында аталган мүлктөр ээлик кылган мүлктөрүнө дал келбей турганы, ал башында турган Бишкек ЖЭБин реконструкциялоо жүрүшүндө өлкөгө ири көлөмдөгү зыян келтирилгени тууралуу бир топ маалыматтар камтылган.

Андан тышкары, Алмазбек Атамбаевге жерди транформациялоого мораторий жарыяганына карабастан, 39,65 гектар жерди мыйзамсыз жайыт категориясына которткон, «Дастан» ишканасынын айрым жетекчилеринин көмөгү менен Арашан айыл аймагынан жери алып, анда жеке турак жай салган, кышка даярдык мезгилинде анын Бишкек ЖЭБин көмүр менен камсыз кылуу ишине аралашканы, президенттик шайлоо өнөктүгүндө шайлоо ишине аралашуу менен, Баш мыйзамдын талаптарын бузганы жөнүндө ой-пикирлер да айтылды.

Белгилей кетсек, Жогорку Кеӊештин атайын убактылуу комиссиясы 13-июнда «КР Президентинин ишмердүүлүгүнө кепилдиктер жөнүндө» мыйзамдын 12-беренесинде «КР ЖК Регламенти жөнүндө» мыйзамдын 33-беренесине таянуу менен түзүлгөн, анын иштөө мөөнөтү – 7 күн. Комиссия курамында депутаттар Каныбек Иманалиев, Өмүрбек Бакиров, Евгения Строкова, Кожобек Рыспаев, Максатбек Эгембердиев, Талант Мамытов, Бактыбек Райымкулов, Жыргалбек Турускулов, Канатбек Исаев, Алмазбек Токторов, Алтынбек Жунус уулу, Бактыбек Турусбеков бар.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Март 2021    »
ПнВтСрЧтПтСбВс
1234567
891011121314
15161718192021
22232425262728
293031 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады