Бардык жаңылыктар

Өзбекстанда өкмөттүк мекемелердин басма сөз кызматтары сынга кабылды

Өткөн жуманын аягында Өзбекстандын Маалымат жана массалык коммуникациялар агенттиги өкмөттүк мекемелердин басма сөз кызматтарынын ишине арналган жыйын өткөрдү.

Жыйындын жүрүшүндө агенттиктин башчысы Комил Алламжонов менен анын орун басары, өлкө президентинин улуу кызы Саида Мирзиёева мамлекеттик органдардын басма сөз кызматтарынын ишин сынга алышты.
— Бул жерде 78 басма сөз кызматтын жетекчиси отурат. Эгер алардын ар бири күнүнө бирден билдирүү жазса, анда медиа-чөйрө алардын маалыматтарына толуп калмак. Маалыматтык согуш маалында бул өтө маанилүү жана актуалдуу маселе, — деди Алламжонов.

Ферганалык эркин журналист Баходирхон Элибоев мекеме жетекчисинин «маалыматтык согуш» деген сөз айкашын колдонгону «тынчсызданууну» жаратарын билдирди:
«Заманбап медиа-чөйрөдө расмий ЖМКлар аудиториясын жоготуп жатат. Комил Алламжонов маалымат үчүн эмес, аудитория үчүн согуш десе туура жана түшүнүктүүрөөк болмок.

Журналист жана укук коргоочулардын «Эзгулик» бирикмесинин башчысы Абдурахман Ташановдун пикиринде, өкмөттүк мекемелердин басма сөз кызматтары дале болсо эркин басылмалардан коркушат.

— Басма сөз кызматтар «Озодлик» («Азаттык» радиосунун өзбек кызматы), Би-би-си өңдүү чет өлкөлүк маалымат каражаттарынан корко берсе, Алламжонов айткан көйгөйлөр чечилбейт, — деди ал.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 



Видео // 12:11
Эл билет/ Кыргызстан жаштарынын билиминин сапаты кандай?
Видео // 15:33
Бейөкмөт уюмдар жөнүндө мыйзам
Видео // 15:31
Сот тармагына көлөкө түшүргөн соттор
Видео // 15:29
Санарипти ишке ашыруу талабы
Видео // 15:28
Аз камсыз болгон үй-бүлөлөргө жардам берилди