Бардык жаңылыктар

Маркум Улан Эгизбаевдин үй-бүлөсүнө Бишкектен батир берилди

Маркум журналист Улан Эгизбаевдин үй-бүлөсүнө “КG групп” курулуш компаниясы Бишкектен батир берди. Аталган компаниянын башчысы Имамидин Ташов өзүнүн Facebook баракчасына Уландын апасы Жыпаргүл Сариеванын видеокайрылуусуна жооп берди. Анда байкуш эне уулу каза болгондон кийин,  Ташов батир берем деп убада кылганын, эми сөзүнө туруп, Уландын уулу Белек бир жашка чыгып жатканда, Бишкектен жаңы үйлүү болуп жаткандарына кубанып, ыраазычылык айткан.

Ал эми компания жетекчиси: “Урматтуу Токтосун байке, Жыпаргул эже,Сиздердин ыраазычылык билдирген видеоңуздарды алдым. Сиздердин жылуу сөздөрүңүздөргө ыраазычылык билдирем. Чет жакта иш сапар менен жүргөндүктөн, Уландын жылдыгына катыша албай калдым. Өксүткөн чоң жоготууга жүрөк канатып, канча көз жаш төгүлдү. Сабыр айтуудан башка колубуздан эч нерсе келбейт экен. Уландан калган туяк Белегиңиздер бар. Өмүр улай турган небереңиздер менен көп жакшылыктарды көрүңүздөр. Биз берген батирде Белектин жалаң ак тойлоруна күбө болуңуздар деген тилегимди чын жүрөктөн сиздерге айткым келди. Чыгаан журналист, эл уулу Улан Эгизбаевдин жаркын элеси баарыбыздын жүрөгүбүздө түбөлүк калат”,-деп аларды жаңы тамы менен куттуктады.

Эскерте кетсек, “Азаттык” радиосунун 28 жаштагы журналисти былтыр, 22-июлда Ысык-Көл чөгүп кетип курман болгон. Ал коррупциялык схемаларга журналисттик изилдөө жүргүзүү менен белгилүү эле. Ал жарык дүйнө менен коштошкондон кийин, кесиптештери “Уланбек Эгизбаев” атындагы журналисттик изилдөө фондун түзүшкөн. Уландын артында карыган ата-энеси, аялы, бир уулу калды. Уулу Белек ал каза болгондон соң, бир айдан кийин жарык дүйнөгө келген.

Булак: KyrgyzToday.kg

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 



Видео // 12:11
Эл билет/ Кыргызстан жаштарынын билиминин сапаты кандай?
Видео // 15:33
Бейөкмөт уюмдар жөнүндө мыйзам
Видео // 15:31
Сот тармагына көлөкө түшүргөн соттор
Видео // 15:29
Санарипти ишке ашыруу талабы
Видео // 15:28
Аз камсыз болгон үй-бүлөлөргө жардам берилди