Бардык жаңылыктар

WADA комитети Орусияны Олимп оюндарынан төрт жылга четтетүүнү сунуш кылды

Кызытмага каршы дүйнөлүк агенттиктин (WADA) атайын комитети Орусиянын кызытмага каршы күрөш агенттигин (РУСАДА) Допингге каршы дүйнөлүк кодекстин талаптарына жооп бербейт деп тапты. Ушундан улам ал аталган уюмдун аткаруучу комитетине Орусияны Олимп оюндарынан, эл аралык ири спорт мелдештеринен төрт жылга четтетүү тууралуу сунуш жөнөттү.

Эгер бул сунуш колдоо тапса орус спортчулары эмдиги жылы Токиодогу жайкы Олимпиада оюндарына, 2022-жылдагы кышкы Олимпиада оюндарына Орусиянын желеги менен катыша албай калат. Андан сырткары орус өкмөт өкүлдөрүнө, аткаминерлерге төрт жыл бою Дүйнөлүк кызытмага каршы кодекске кол койгон кеңештерге, комитеттерге жана башка органдарды жетектегенге, мүчө болгонго тыюу салынат. Орусия ошондой эле эл аралык спорттук мелдештерди өткөрүү укугунан төрт жылга ажырайт.

Сентябрь айында WADA РУСАДАга кылмыш ишин козгогон. Анда Кремлди ушул жылдын башында «допингге байланыштуу бурмаланган жалган маалымат берген» деп күнөөлөгөн. Уюм РУСАДАнын Москвадагы лабораториясында кызытмага каршы эрежелер бузулган деген 47 учур иликтенип жатканын билдирген.

Орус спортундагы кызытма жаңжалына байланыштуу РУСАДА 2015-жылы ыйгарым укуктарынан ажыраган. Үч жылдан кийин, 2018-жылы сентябрда орусиялык агенттиктин укугу калыбына келтирилген.

Москва спортто тыюу салынган заттарды колдонууга каршы жүргүзгөн күрөшү аксап келгенин мойнуна алган. Бирок «кызытманы колдонууга жогорку жетекчиликке чейин аралашкан» деген дооматтарды толугу менен четке каккан.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Май 2020    »
ПнВтСрЧтПтСбВс
 123
45678910
11121314151617
18192021222324
25262728293031



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады