Бардык жаңылыктар

Төрага Жумабеков кыргыз күрөшү боюнча Азия ачык чемпионатынын жеӊүүчүлөрүнө энчилүү сааттарды тапшырды

Жогорку Кеӊештин төрагасы Дастанбек Жумабеков бүгүн, 6-декабрда үстүбүздөгү жылдын 27-28-ноябрь күндөрүндө биринчи жолу Бишкек шаарында өткөрүлгөн кыргыз күрөшү боюнча Азия ачык чемпионатынын өзгөчө балбандарын - жеӊүүчүлөрдү энчилүү сааттар менен сыйлады.

Улуттук спорттун түрлөрүн өнүктүрүүгө кошкон салымдары жана спорттук жетишкендиктери үчүн Жогорку Кеӊештин Төрагасынын колунан энчилүү сааттарды төмөнкү жарандар алышты: кыргыз күрөшү боюнча машыктыруучу – Туратбек Тойчубеков, чемпионттын жеӊүүчүлөрү, 66 жана 84 киллограмга чейинки салмак категорияларында 1-орунду багындырган Асанкелди Нурказым уулу жана Бектурган Кожомуратов.

Төрага депутаттык корпустун жана жеке өзүнүн атынан спортчуларды жараткан көрсөткүчтөрү үчүн куттуктап, алардын ийгиликтери жаш спортчуларга мыкты стимул болоорун, жаштарды спортко болгон кызыгуусун арттырарын, кыргыз элинин баа жеткис маданий-тарыхый мурастарынын бири – кыргыз күрөшүн даӊазалоого көмөкчү болоорун баса белгиледи.

«Силердин жеӊишиӊер талыкпаган эмгектин, кажыбас кайраттын чечкиндүүлүктүн жыйынтыгы. Биз силердин жетишкендигиӊер менен сыймыктанабыз жана силердин эр мүнөзүӊөр менен кайраттуу эркиӊер жаӊы-жаӊы спорттук бийиктиктерди багындырарына бекем ишенебиз»,- дейт Д.Жумабеков. Ошону менен катар Жогорку Кеӊештин Төрагасы мамлекеттин эӊ биринчи кезектеги милдеттеринин бири спорттук коомчулукка колдоо көрсөтүү, ошондой эле республиканын баардык региондорундагы спорттук инфратүзүмдү өнүктүрүү болуп саналаарын билдирди.

Жумабеков кыргыз күрөшү боюнча федерациянын төрагасы Рыскелди Шамиевге жана машыктыруучу Туратбек Тойчубековго өзгөчө ыраазычылыгын билдирип, алардын нускоосу менен кыргызстандык спортчулар болуп өткөн мелдештерде мыкты натыйжаларды жаратып жатышкандыгын кошумчалады.

Өз кезегинде Р.Шамиев Жогорку Кеӊештин төрагасына жылуу кабыл алгандыгы жана куттуктоосу үчүн ыраазычылыгын айтып, Дастанбек Жумабековго кийинки жылы Монголияда өтө турган күрөш боюнча эл аралык чемпионатка катышуу үчүн бара турган Кыргыз күрөшү боюнча Кыргызстандын делегациясын жетектөөнү сунуш кылды.

Белгилей кетсек, кыргыз күрөшү боюнча Азия ачык чемпионаты биринчи жолу Бишкекте 27-28-ноябрь күндөрүндө өттү. Мелдешке 16 өлкөнүн балбандары катышты. Иш-чарада спортсмендер 7 категориядагы салмак боюнча 28 медаль үчүн күч сынашты. Чемпионаттын жыйынтыгы боюнча Кыргызстандын балбандары 2 алтын, 3 күмүш жана 2 коло медалга ээ болушту.


Previous

Next
  • 1
  • 2
  • 3
  • 4

Көрүүлөрдүн саны : 559




Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 



Видео // 12:13
Видео – Кыргыз коомун чүнчүткөн уюшкан кылмыштуу топтор
Видео // 17:39
ВИДЕО - Садык Шер-Нияз: Текебаевдин сотун бийлик өз кызыкчылыгына пайдаланбасын
Видео // 16:52
ВИДЕО – Текебаев: “Абал чатак. Өкмөт жетекчи болгондун ордуна жетеленме болуп калды”
Видео // 16:31
ВИДЕО - Момбеков Ата Мекендин жыйынында катуу сүйлөп, калың элди дүрбөттү
Видео // 17:39
ВИДЕО – Текебаев президенттин кайрылуусу жана саясий абал боюнча омоктуу оюн ортого салды