Бардык жаңылыктар

Орусиянын соту жеке компанияга Путиндин ылакап атын берүүдөн баш тартты

Роспатенттин «Псевдоним Платов» соода маркасын каттоодон баш тарткан чечимине каршы “Интеллект жана укук” («Интеллект и право») компаниясынын доо-арызын Орусиянын интеллектуалдык укуктар боюнча соту канааттандырган жок. Бул тууралуу орусиялык “Медуза” басылмасы аталган соттук мекемеге таянуу менен жазды.

Буга товардык белги Орусиянын азыркы президенти Владимир Путиндин КГБнын чалгын мектебинде окуган кезиндеги ылакап аты менен дал келгени себеп болду.

“Интеллект жана укук” компаниясы «Псевдоним Платов» соода маркасын каттоо өтүнүчү менен 2017-жылы Роспатентке кайрылган. Интеллектуалдык укуктарды каттаган мекеме мындан баш тарткан.

Роспатент анда бул аталыш “мамлекет башчы менен байланыштуу” экенин билдирип, аны пайдалануу базарда фирманы башкалардан өзгөчө кылып коюшу мүмкүн экенин көрсөткөн. Компания өзүнүн апелляциясында, “Путинка” деген соода маркасы бар экенин, кеп болгон аталыш деле берилиши керектигин белгилеген.

Владимир Путин 2017-жылы Сочидеги “Сириус” балдар борборунун окуучулары менен баарлашып жатып атайын кызматта анын ылакап аты “Платов” болгонун айткан жайы бар. 

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Январь 2020    »
ПнВтСрЧтПтСбВс
 12345
6789101112
13141516171819
20212223242526
2728293031 



Видео // 11:56
ВИДЕО – Адахан Мадумаров Өкмөт башчы Абылгазиев менен Жеңиш Разаков тууралуу курч сөз айтты
Видео // 13:29
Темир Сариев орчундуу жана омоктуу оюн ортого салды...
Видео // 17:50
Рыскелди Момбеков митингде Матраимов жана коррупция боюнча катуу айтты
Видео // 18:21
Жамалдинов: Курсан Асановдун иши туура бааланышы керек!
Видео // 18:06
Рыскелди Момбеков: Курсан Асановго ордер эмес, орден бериш керек!