Бардык жаңылыктар

Президент «Казакты» үй камагына чыгарган судьяны кызматтан алды

Президент Сооронбай Жээнбеков Ош шаардык сотунун судьясы Айнура Сулайманованы мөөнөтүнөн мурда кызматынан бошотту.

Өлкө башчы тиешелүү жарлыкка 17-январда кол койгонун президенттик аппараттын басма сөз кызматы билдирди.

Сулайманованы кызматтан алууну президентке Судьялар кеңешине караштуу Тартип комиссиясы сунуштаган.

Буга судья Айнура Сулайманова баңгизатка байланышкан өзгөчө оор кылмыш менен айыпталган адамдын ишин кароодо иштин жагдайларын толук изилдебей туруп, ага карата иштин материалдарында тиешелүү соттук экспертизанын корутундусу жоктугуна карабастан, медициналык мүнөздөгү мажбурлоо чараларын колдонуу жөнүндө токтом чыгарганы негиз болгон.

Жыйынтыгында жогору турган сот инстанциясы чыгарылган соттук актыны жокко чыгарды.

Ишти кайрадан кароонун натыйжасында соттун өкүмү менен айыпталуучу күнөөлүү деп табылып, 1100 эсеп көрсөткүчү өлчөмдөгү айыпка жыгылып, 10 жылга эркиндигинен ажыратылган. Бүгүнкү күндө аталган өкүм күчүнө кирген.

Ал эми Сулайманованы жумуштан алууну Тартип комиссиясына Ош шаардык прокуратурасы сунуштаган. Аталган комиссия бул маселени былтыр декабрь айында карап, аны кызматтан бошотууну колдогон.

Президенттин жарлыгы кол коюлган күндөн тартып күчүнө кирет.

Айнура Сулайманова быйыл 8-январда «Зордуктоо» жана «Ээнбаштык» беренелери менен шек саналып жаткан «уюшкан кылмыштуу топтун активдүү мүчөсү» «Казак» деген каймана ат менен белгилүү Умар Маратовду үй камагына чыгарганы менен белгилүү. Бул коомчулукта сынга кабылып, айрым депутаттар судьянын жоопкерчилигин кароо маселесин көтөрүшкөн. 

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 



Видео // 17:39
ВИДЕО - Садык Шер-Нияз: Текебаевдин сотун бийлик өз кызыкчылыгына пайдаланбасын
Видео // 16:52
ВИДЕО – Текебаев: “Абал чатак. Өкмөт жетекчи болгондун ордуна жетеленме болуп калды”
Видео // 16:31
ВИДЕО - Момбеков Ата Мекендин жыйынында катуу сүйлөп, калың элди дүрбөттү
Видео // 17:39
ВИДЕО – Текебаев президенттин кайрылуусу жана саясий абал боюнча омоктуу оюн ортого салды
Видео // 17:05
Темир Сариев президенттин кайрылуусу жана учурдагы саясий кырдаал боюнча таамай айтты