Бардык жаңылыктар

Премьер-министр Абылгазиев «Дарак ыры» мюзиклинин авторлору менен жолукту

Жаштарды тарбиялоодо кинематографтын ролу кыйла маанилүү. Бул тармакты өнүктүрүүбүз зарыл. Бул тууралуу Кыргыз Республикасынын премьер-министри Мухаммедкалый Абылгазиев «Дарак ыры» мюзиклинин авторлору менен жолугушууда айтты.

«Мен көптөгөн ата мекендик тасмаларды көрүп жүрөм. Алардын арасында сапаттууларынын бар экендиги кубандырат. Анын ичинде «Дарак ыры» мюзикли эл тарабынан кабыл алынып, татыктуу баа берилди. Актерлордун оюну, ырларды тандоо, декорация. Баары көрүүчүлөрдү тамшандырат. Тасма маанилүү, калктын кеңири чөйрөсүнө жеткиликтүү, жеңил берилген. Эң башкысы – мюзиклде адеп-ахлактык жана тарбиялык багыт бар. Бүгүнкү замандын чындыгында бул келечек ээлери үчүн маанилүү аспект», - деди Мухаммедкалый Абылгазиев.

Өкмөт башчы белгилегендей, кино жайылтуу ыкмасы катары өтө жогорку эмоционалдык таасир бере алат.

«Келечек муунду руханий өнүктүрүүнүн жана тарбиялоонун маанилүүлүгүн эске алуу менен мамлекеттик буйрутманын алкагында ата мекендик сериалдарды тартуу үчүн финансы каражаттарын бөлүү чечими кабыл алынды. Азыркы тапта жаш муунга таасир берген терс көрүнүштөр көп. Жаштарды тасмалар аркылуу да адамдык баалуулуктарды сиңирип тарбиялоого болот. «Кыргыз керемети» деп аталып келген кино аркылуу өсүп келе жаткан муунга биз үчүн сактап калуу баалуу жана маанилүү болгон нерселер тууралуу айткыбыз келет», - деп белгиледи Премьер-министр.

Маданият, маалымат жана туризм министрлигине тематикалык телесериалдар түрүндө улуттук аудиовизуалдык продукцияларды түзүү үчүн 30 млн сом бөлүндү.

«Киносериалдар үчүн мыкты сценарийлерди тандоо боюнча сынак 2020-жылдын январь айынын аягына чейин жарыяланат. Биз сценарийлерде идеология болуш керек деп эсептейбиз. Тасмадагы эң башкы үч тема – адам, үй-бүлө, мекен болуш керек. Албетте, негизги принциптер сакталган болсо, жанрлар жана сюжеттер боюнча эч кандай чектөөлөр болбойт», – деп белгилеген Мухаммедкалый Абылгазиев, мына ушул механизмди колдонуу менен атаандаштык чөйрөнү өнүктүрүүнү, ата мекендик киноиндустрияны өнүктүрүү үчүн жагымдуу шарт түзүүнү шарттарын кошумчалады.

Жолугушуунун соңунда Өкмөт башчы «Дарак ыры» мюзиклинин авторлоруна кыргыз элинин тарыхын пропагандалаган кинокартинаны тартканы үчүн ыраазычылык билдирди.

«Дарак Ыры» мюзиклинин режиссеру жана сценаристти Айбек Дайырбеков Кыргыз Республикасынын премьер-министринин атынан энчилүү саат менен сыйланса, ал эми фильмдин продюсери Толкун Дайырбековага алкыш жарыяланды.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 



Видео // 17:39
ВИДЕО - Садык Шер-Нияз: Текебаевдин сотун бийлик өз кызыкчылыгына пайдаланбасын
Видео // 16:52
ВИДЕО – Текебаев: “Абал чатак. Өкмөт жетекчи болгондун ордуна жетеленме болуп калды”
Видео // 16:31
ВИДЕО - Момбеков Ата Мекендин жыйынында катуу сүйлөп, калың элди дүрбөттү
Видео // 17:39
ВИДЕО – Текебаев президенттин кайрылуусу жана саясий абал боюнча омоктуу оюн ортого салды
Видео // 17:05
Темир Сариев президенттин кайрылуусу жана учурдагы саясий кырдаал боюнча таамай айтты