Бардык жаңылыктар

Казак студенттери карантинге байланыштуу Кытайдын Ухань шаарынан чыга албай жатышат

Казакстандык студенттер коронавирус биринчи катталган Кытайдын Ухань шаарынан чыга албай жатышат. Кытай бийлиги карантин жарыялап, адамдардын шаарга кирип-чыгуусуна тыюу салган.

Уханда окуп жаткан студенттердин ата-энелери казак бийлигине кайрылып, балдардын мекенине кайтып келүүсүнө жардам берүүсүн өтүнүшүдө. Алардын айтымында, учурда балдарынын саламаттыгы жакшы, бирок вирус жуктуруп алабы деп тынчсызданышууда.

— Алардын арасында вирусту жуктуруп алгандар жок. Эпидемия бүткөнчө балдардын кайтып келүүсүнө жардам берүүңөрдү өтүнөбүз, — деди ата-энелердин бири казак дипломаттарына кайрылып.

Азырынча Казакстандын Тышкы иштер министрлиги (ТИМ) ата-энелердин бул кайрылуусу боюнча эч кандай комментарий бере элек.

Өлкөнүн Башкы санитардык дарыгери Жандарбек Бекшин эпидемиологиянын эрежелери боюнча балдардын карантин алынганга чейин Уханда калганы туура болорун билдирүүдө.

— Ал жакта биздин студенттер ыктымал оорулуулар менен байланышта болгон болушу мүмкүн. Биз аларды дени сак алышыбыз керек. Алар ошол жакта дарыланышы зарыл. Азыр чыгарып кетүүгө мүмкүн болбой калды. Эпидемиологиянын эрежелери ушундай, — деди Бекшин.

Кытайда өпкөнү сезгенткен жаңы вирустан өлгөндөрдүн саны 17 кишиге чамалады. Өлкөнүн саламаттык сактоо мекемеси коронавирусту 571 адам жугузуп алганын кабарлап, жарандарды илдет биринчи катталган Ухань шаарына барбоого чакырды.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Октябрь 2020    »
ПнВтСрЧтПтСбВс
 1234
567891011
12131415161718
19202122232425
262728293031 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады