Бардык жаңылыктар

Өзбекстан: Муфтияттын имаратында бейбаштык кылуу айыбы менен эки блогер кармалды

Өзбекстандын мусулмандар дин башкармалыгы ташкенттик эки блогерди Муфтияттын имаратынын ичинде коомдук тартипти бузууга айыптап жатат.
8-апрелде кармалган блогерлердин бири Рустам Карим «Фейсбук» баракчасына түз эфирде жазылган видеокайрылуусун жайгаштырган. Алардын бирөөсү Муфтияттын имаратынын ичинде, экинчиси көчөдө тартылган.

Видеодо Рустам Карим шериги экөө муфтийдин орун басары, шейх Абдулазиз Мансур менен жолугуп, «бийликтин аялдарга хижаб кийүүгө тыюу салышы жана адал азыктарга сертификат берүүдөгү маселелер» боюнча нааразылык билдиришкенин айткан.
Мындан тышкары блогер жолугушуу маалында «Нооруз» майрамы жана сүмөлөк тууралуу хадистер жазылган Эргаш Ачиловдун китеби тууралуу маселе козголгонун билдирген.
Көчөдө тартылган видеодо болсо Рустам Карим муфтийдин орун басарын «тырмакчанын ичиндеги шейх» деп атаган. Кайрылуунун соңунда ал шериги экөө муфтияттан эч тоскоолдуксуз чыгып кетишкенин айткан.

Бирок бул билдирүүлөр жарыялангандан көп өтпөй социалдык түйүндөрдө блогерлер кармалгандыгы тууралуу маалыматтар пайда болду. Кыска убакыттын ичинде «Фейсбукта» блогерлерди колдогон акция башталды. Айрым колдонуучулар бийликти «Рустам Карим менен Тулкин Астановду бошотууга» чакырышты.
Ташкент шаардык ички иштер башкы башкармалыгынан билдиришкендей, эки блогер «Муфтият имаратынын ичинде бейбаштык кылуу жана милиция кызматкеринин мыйзамдуу талаптарын аткарбоо» беренелеринин негизинде административдик укук бузууга айыпталууда. Бирок мекемеден учурда блогерлердин кайсыл жерде экендигин жана канча убакытка кармалганын билдиришкен жок.
Айрым социалдык түйүн колдонуучуларынын маалыматына караганда, Рустам Карим менен Тулкин Астанов 15 суткага камакка алынган.
Өз кезегинде шейх Абдулазиз Мансур дагы видеокайрылуу жасап, «муфтияттын имаратынын ичинде Рустам Карим үнүн катуу чыгарып, өзүн адепсиз алып жүргөнүн» билдирди. Ал ошондой эле социалдык түйүндөрдө Рустам Каримовдун башка видеолорун да көргөнүн белгилеп, анда блогер «имам-хатибдер менен уламаларды тааныгысы келбей, муфтият өкүлдөрүнүн айтканын укпастыгын» айтты.

Ташкент шаардык ички иштер башкармалыгынын маалыматына караганда, эки блогердин иши Ташкенттеги Алмазар райондук сотунда каралган. Анда 43 жаштагы Рустам Карим менен 47 жаштагы Тулкин Астанов «Майда бейбаштык» жана «Милиция кызматкеринин мыйзамдуу талаптарын аткарбоо» беренелери боюнча күнөөлүү деп табылышкан.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады