Бардык жаңылыктар

Кытайда Си Цзинпинди кызматтан кетүүгө чакырган активист кармалды


Кытайда төрага Си Цзинпинди кызматтан кетүүгө чакырган укук таануучу, активист Сюй Чжиюн кармалды. Бул тууралуу жергиликтүү укук коргоочулар кабарлашты.
Алар диссиденттин кармалышын сөз эркиндигин чектөө жана коронавирус тууралуу маалыматтарды көзөмөлдөө боюнча Кытай бийлигинин кезектеги кадамы катары баалашууда.
«Жаңы жарандардын кыймылы» деп аталган социалдык өнөктүктүн демилгечиси катары белгилүү Сюй Чжиюн Гуанчжоу провинциясында кесиптеши Ян Биндин үйүндө кармалган.
Жекшемби күнү аны жашырып жүргөндүгү үчүн үй ээси менен анын уулу да кармалып, көп өтпөй кайра кое берилген. «Америка үнү» жаңылыктар кызматы кабарлагандай, полиция журналисттердин бул окуя тууралуу суроолоруна жооп берүүдөн баш тарткан.
Кытай полициясы өткөн жылы декабрда Фуцзянь провинциясындагы жашыруун жолугушуунун катышуучуларын издей баштаган. Иш-чарага катышкан 20га жакын активист жана укук коргоочулардын арасында Сюй Чжиюн да бар болчу.
Февралдын башында Си Цзинпин коронавирус эпидемиясы менен Гонконгдогу нааразылык акцияларын токтото албай тургандыгы жазылган Сюй Чжиюндун эссеси жарыяланган.
Буга чейин Чжиюн ички мигранттардын укуктарын коргогон өнөктүккө катышкандыгы жана жогорку кызматтагы аткаминердин байлыгы тууралуу маалыматка жетүүгө аракет кылгандыгы үчүн төрт жыл камалып чыккан.
АКШда жашаган кытайлык укук коргоочу Тэн Бяо учурдагы эпидемия бийликке коомдук көзөмөлдү күчөтүүгө шылтоо болуп жатканын билдирди. Ал Кошмо Штаттарга көчүп барганга чейин Кытайда бир нече жолу кысымга кабылып, камакка алынган.


Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Апрель 2020    »
ПнВтСрЧтПтСбВс
 12345
6789101112
13141516171819
20212223242526
27282930 



Видео // 19:07
ВИДЕО - Жаңы министр түз эфирде тилинен чалынып, боорду эзди
Видео // 20:07
ВИДЕО - Темир Сариев кризистен экономиканы сактап калуунун жолун айтты
Видео // 09:37
ВИДЕО - Өмүрбек Текебаев: Саясий көк бөрү жарыялоо-коркунучтуу!
Видео // 09:32
Түзүлгөн кырдаал боюнча Адахан Мадумаровдун билдирүүсү
Видео // 16:25
ВИДЕО - Момбеков: "Мыйзамыңар КАРАПАЙМ ЭЛ үчүн эмес, БИЗНЕСМЕНДЕР үчүн экен. МЕН КАРШЫМЫН"