Бардык жаңылыктар

Гүлнара Каримова Мирзиёевден эркиндикке чыгарууну сурады

25-февралда соцтармактарда Өзбекстандын мурдагы президентинин кызы Гүлнара Каримованын Шавкат Мирзиёевге жолдогон каты чыкты. Кат анын Лондондо жашаган кызы Имандын “Инстаграмдагы” баракчасына жарыяланды.

Катта Гүлнара Каримова президент Шавкат Мирзиёевге “көп жылдан бери жеке тааныш адам” катары кайрылган. Ал кылмыш иштери Конституция нормаларын бузуу менен тергелип жатканына даттанган.

Гүлнара Каримова өзүнө жана балдарына таандык жалпы суммасы 1,2 миллиард долларга барабар мүлкү мамлекеттин карамагына өткөнү менен материалдык зыянды жабуу катары эсептелбей калганын белгилеген.

Ал кылмыш иши жабылса, үй-бүлөсүн жана ден соолугун сактоо үчүн Швейцарияда тоңдурулган акчалай каражаттан баш тартууга даяр экенин билдирген. Каримова банктык эсебинде 686 миллион АКШ доллары калганын билдирген.

Мурдагы президенттин кызы саламаттыгы өтө начарлап кеткенин жана олуттуу операцияларга муктаж экенин кошумчалаган.

Гүлнара Каримова Шавкат Мирзиёевге жолдогон катында: «Биз балдарыбыз, неберелерибиз менен жети жылдан кийин чогуу жашайбыз жана бул үчүн сизге ыраазы болобуз деп ишенебиз», – деп жазган.

Гүлнара Каримованы алгач АКШ жана Европа өлкөлөрү коррупцияга байланыштуу кылмыштар үчүн айыптап, бир нече иш козгошкон. Андан соң Гүлнарага Өзбекстанда да кылмыш иши ачылган.

Баштапкы соттун чечими боюнча Гүлнара Каримова үй камагында жашаган. Бирок 2019-жылдын март айында үй камагынын шарттарын такай бузган деген жүйө менен аны Ташкент облусундагы аялдар колониясына которушкан. Каримова менен анын кызы үй камагынын шарттарын бузбаганын айтышкан. Бирок Каримовага улам жаңы айыптар тагылууда.

2017-жылдын декабрь айында АКШнын Финансы министрлиги «Кубаттуу уюшкан кылмыштуу синдикат түзгөн, мамлекеттин мүлкүнө кол салган» деген айып менен Гүлнара Каримовага санкция жарыялаган.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2020    »
ПнВтСрЧтПтСбВс
 123456
78910111213
14151617181920
21222324252627
282930 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады