Бардык жаңылыктар

Канада премьер-министринин жубайы коронавирус жуктуруп алганы аныкталды

Канаданын премьер-министри Жастин Трюдонун жубайы коронавирус жуктуруп алгандыгы аныкталды. Бул тууралуу Канада өкмөт башчысынын кеңсеси кабарлады.

Маалыматка караганда, Трюдонун өзүнөн илдеттин белгилери табылган жок, азыр ал өзүн жакшы сезүүдө. Премьер-министр 14 күндүк карантинге алынгандыктан, милдеттерин ошол жактан аткарат.

Ал ортодо БУУнун Нью-Йорктогу кеңсесинде вирус жуктурган алгачкы учур катталды. 9-мартта жумушта болгон филиппиндик дипломат илдетке чалдыккан. Азыр Филиппиндин БУУдагы бардык өкүлдөрү карантинге алынды.

Бразилиянын президенти Жаир Болсонару жардамысы Фабио Вайнгартен коронавирус жуктуруп алгандыгы аныкталгандан кийин анализ тапшырды. Өткөн ишемби күнү ал Бразилия делегациясынын курамында АКШда болуп, америкалык президент Дональд Трамп менен бир имаратта тамактанган. Трамп журналисттер менен маегинде өзүн жакшы сезип жатканын айткан.

Англиянын «Челси» футболдук клубу оюнчусу Каллум Хадсон-Одои вирус жуктуруп алгандан кийин карантинге кетүү чечимин кабыл алды. Буга чейин башкы машыктыруучусу Микель Артета илдетти жуктуруп алгандан кийин лондондук «Арсенал» клубу карантинге алынган.

Европа өлкөлөрүндө коронавирус тездик менен жайылып жаткандыктан, мектептер жана университеттер жабылууда. Бейшемби күнү Португалия өлкөдөгү окуу жайлардын бардыгы жабылганын билдирди. Францияда мектептер, университеттер жана бала бакчалар дүйшөмбүдөн тарта жабылат. Австрия Италиядан келгендердин бардыгы үчүн чек арасын жабууда.

АКШ бийлиги Калифорниядагы «Диснейлендди» жабуу чечимин кабыл алды.

13-март эртең мененки маалыматтарга караганда, дүйнөдө беш миңге жакын киши коронавирустан каза болуп, 70 миңден ашыгы айыкты.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Октябрь 2020    »
ПнВтСрЧтПтСбВс
 1234
567891011
12131415161718
19202122232425
262728293031 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады