Бардык жаңылыктар

Пекинде Улуу Кытай сепилинин бир бөлүгү ачылып, шаардык зоопарк иштей баштады

Туристтер кыдырган жайлардын ичинен дүйшөмбү күндөн тарта Улуу Кытай сепилинин бир бөлүгүнө кирүүгө уруксат берилди. Ошондой эле шаардык зоопарктын иши жанданды.

Пекиндин бийлиги Кытайда эпидемиологиялык абалдын жакшырышы менен буга чейин коронавирустан улам жабылып калган туристтик объектилерди акырындап ача баштады. Бул тууралуу РИА Новости кабарлады.

Маалыматка караганда, туристтик объектилердин ичинен дүйшөмбү күндөн тарта Улуу Кытай сепилинин бир бөлүгүнө кирүүгө уруксат берилди. Ошондой эле шаардык зоопарктын иши жанданды.

"24-марттан тарта күн сайын эртең мененки саат 9:00дөн 16:00гө чейин шаардын бийлиги Улуу Кытай сепилинин "Бадалин" аттуу бөлүгүнө кирүүгө уруксат берди. Калган бөлүгү, музейи, аркан жолу азырынча жабык. Эл жык-жыйма болуп кетпеш үчүн аталган жайга күнүнө 19,5 миңден ашык адам кое берилбейт. Билеттерди онлайн түрүндө сатып алуу керек", — деп айтылат маалыматта.

Шаардык зоопаркта да иш жанданып, калаа тургундарына ачык асман алдындагы павильондорго барууга уруксат берилди. Имараттын ичиндеги павильондор азырынча жабык. Бул жакка да билетти бир күн мурда онлайн түрүндө сатып алуу керек. Күн сайын келген кишилердин саны 30 пайызга чукулдаса кирүү жабылат.
Эске салсак, коронавирустан улам Пекинде бардык туристтик объектилер, музейлер жабык болчу.

Коронавирус узаган жылдын декабрь айынын этегинде Кытайдын Хубэй провинциясындагы Ухань шаарында тараган. Андан бери 200гө чукул мамлекетке жайылып, жүз миңдеген кишиге жугуп, миңдеген киши көз жумуп жатат. Ошондой эле айыккандар да арбын. Азыркы учурда Кытайда коронавирустун жаңы түрүн жуктуруп алгандардын дээрлик 90 пайызы айыкты. Акыркы маалыматтар боюнча, ооруканада 5000дей эле адам калган.


Булак:Спутник.кж

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Сентябрь 2020    »
ПнВтСрЧтПтСбВс
 123456
78910111213
14151617181920
21222324252627
282930 



Видео // 20:58
Чукул кабар: Баткенде ок атышуу болуп жаткан тасма тарады
Видео // 18:13
ВИДЕО - Сыймык Жапыкеев Манаска асылганы аз келгенсип, эми “Кара-Жорго” бийин шылдыңдады
Видео // 13:02
ВИДЕО - Жапыкеев: “Фактыны мынтип туруп бир жерине тыгып коём”
Видео // 12:32
ВИДЕО - Баласы апасын тирүүлөй жерге көмүп салып, энеси 3 күндөн кийин тирүү табылды
Видео // 11:20
Улуттук Гвардиянын аскерлери Улуу Ата-Мекендик согуштун 75 жылдыгы менен өзгөчө куттуктады