Бардык жаңылыктар

Биринчи вице-премьер-министр Кубатбек Боронов Бишкек шаарынын комендатурасынын иши менен таанышып, шаардагы бир катар постторду текшерип чыкты

Кыргыз Республикасынын биринчи вице-премьер-министри Кубатбек Боронов Бишкек шаарынын комендатурасынын иши менен таанышты. 

Борбор калаанын коменданты Алмаз Орозалиев комендатуранын коомдук коопсуздукту камсыздоо, киргизилген убактылуу чектөөлөр, шаардын аймагында орнотулган посттордун иши боюнча аткарып жаткан иштери тууралуу айтып берди. 

Кубатбек Бороновго ошондой эле ишкерликти жүргүзүү тартиби кантип жөнгө салынары жөнүндө айтып беришти. 

Ал өлкө калкынын зарыл муктаждыктарын камсыз кылуу үчүн азык-түлүк жана медициналык дары-дармектерди ташууну үзгүлтүксүз жүргүзүүнүн маанилүүлүгүн дагы бир ирет баса белгиледи. Буга байланыштуу ташуу менен алектенген ишкерлерге атайын уруксат берүү варианттарын карап чыгуу сунушталды. 

Биринчи вице-премьер-министр шаардын коменданты менен бирге Бишкек шаарында орнотулган бир нече постторду текшерип чыкты. 

Кубатбек Боронов алардын ишмердүүлүгү, унаа каражаттарынын жана жарандардын шаардын аймагына кирип чыгуусу боюнча бекитилген тартиби менен таанышты. Ал ошондой эле ишке тартылган укук коргоо органдарынын, медициналык кызматкерлер жана башка адистер менен маектешти. 

Кубатбек Боронов шаардын түндүк-чыгышында жайгашкан посттордун биринин шаардан чыгаруу процессин көзөмөлдөө боюнча ишинин начардыгын белгилеп, кызматкерлер жеке коргонуучу каражаттар менен тийиштүү жана жетиштүү түрдө камсыздалбаганын сындады.

Биринчи вице-премьер-министр тармактык кызматтарга аталган маселелерди чечип, иштеги бардык кемчиликтерди четтетүүнү тапшырды. 

«Биз жарандардын жана унаалардын жылып жүрүүсүндө, ошол өңдүү эле милиция, медицина жана башка кызматтар тартылган негизги процесстерди башкарууда толук тартип орнотууга тийишпиз. Жарандарыбыздын жана адистерибиздин коопсуздугуна кам көрүү башкы орунда турушу кажет», - деп баса көрсөттү ал.

Добавить комментарий
Или водите через социальные сети
Кликните на изображение чтобы обновить код, если он неразборчив

Погода в Кыргызстане Курс валют к сому
«    Апрель 2020    »
ПнВтСрЧтПтСбВс
 12345
6789101112
13141516171819
20212223242526
27282930 



Видео // 16:25
ВИДЕО - Момбеков: "Мыйзамыңар КАРАПАЙМ ЭЛ үчүн эмес, БИЗНЕСМЕНДЕР үчүн экен. МЕН КАРШЫМЫН"
Видео // 14:59
ВИДЕО - Өмүрбек Текебаевдин шашылыш кайрылуусу
Видео // 21:29
ВИДЕО - Губернатор Мураталиев агынан жарылып, курч билдирүү жасады
Видео // 23:01
Республикалык штаб эскертет! Кыргызстанга өзгөчө абал киргизилди
Видео // 21:08
"Ихсан хария" фонду молдолорду кантип үйсүз калтырган? Же Муса Могамедовдун жалган жалаалары...